كبيرة شرهه ايامي وحلمي جايرٍ محسود ..
فقير الحظ مابعثر [وفاي] الا من طعوني

فداني كل من يجرح ولا باقي بقلبي كود ..
مساحة خاليه لأخر تراتيلي مع شجوني

يفيض الدمع مايلقى لزفراتي مدى وحدود ..
تواسيني وسادة همّ ولحافي هي جفوني

كلافة حيلتك "ياليل" ومهودي جفا وسهود ..
ابشكي لك وانا أدري كسيره بحة لحوني

بجرّ الصوت واتفنن كذا كنّي أسير العود ..
عَساها تطربك ياليل نغمة من فضا كوني

سؤالي قبل لا ابدأ - أغرد واطرب الموجود ..
اذا كنت الوحيد اللي كساني لون ؛مو لوني

بعد ماكنت اتبختر بريقٍ من سنا ورعود ..
وطول الليل ماعكر صفاي وانتهى دوني

وجات الخنْجر بظهرٍ كأنّه بالوعد موعود ..
وصاح الصوت يً قلبي على هونك على هوني

(أليمة) طعنة الصاحب عزيزه ما عليها زود ..
رسمت الطيب في ناسٍ بنفخة ريق يمحٌوني

اذا قلّطتهم صدري وقلت الجود بالماجود ..
غريبه ! كيف يمناهم تجرّت تكسر صحوني ؟

خلاص الحين جاوبني اذا عندك يقين وفود ..
هذيل الناس وش يطلع معاهم غير يشقوني

انا مالي سوا مايملي الخاطر بفعل جدود ..
بسامحهم وانا ادري ولا جوني وترجّوني

كئيب الصمت مايلقى اجابة من ليالي سود ..
على كثر الرجاوي {عاجزة} لاتمطر مزوني

خلاص الحين بغني وابيكم في صداي شهود ..
ابي هالورد يشهد لي ويشهد دفتر فْـنوني

بجرّ الصوت واتباهى بيدّي شايله هالعٌود ..
أبي تصفيق ينسيني عناي وخيبة ظنوني

أناظر في بقايا هالحضٌور وابتسم ببْرود ..
وانا ودّي اصارخ اخلوا المسرح .. وخلوني!

• جنون قصايدليل في التصاميـم
• لآ تسألونيے مـכּ أڪَوכּ •● هُنآ أنفَآسْ وξـشقـہآ כـتى الجنوכּ •●