الزفاف الموت واحلامي توفت في مهدها
من ردى حظ المسافر حطم الموج السفينه
انكسر خاطر عيون اللي شكى منها سهدها
امطر الحزن الشوارع وانطفى نور المدينه
سالت الكحله على وجه الذي باين نكدها
ثوبها الابيض تعطر واغتسل بدمع عينه
ارتفع للظلم فيها صرخة توى وعدها
ماتت البسمه وماتت كل ضحك محترينه
ياخسارة عمرها في حبها ضايع جهدها
دارت الدنيا عليها وانحنى راس الحزينه
الرسايل والصور واحلام مايحصى عددها
في مهب الريح حفنه من تراب ناثرينه
شفتها في الحفل طفلة والحزن غطى جسدها
ذبلت الورده وهي تمسك عليها في يدينه
ارتعش قلبي ومن يملاه في الدنيا بعدها
كلمة احبك لمن قلبي يبي يعطي حنينه
|