مبارك عليك الشهر ياحبي الماضي
عسى تهنى به وتدعي لي مع قدومه

همي يمر وتكون انت علي راضي
ماشايل بخاطرك احلام مهدومه

صح افترقنا وبكاك القلب و ألحاظي
بس مانسيتك لان الروح مغرومه

وجيتك امهنّي و بي جمر الهوى لاظي
شايل بجوفي بقايا نفس مهزومه

ماراح حبك هدر ولاّ على الفاضي
بعدك بقلب يحبكـ حيل من يومه

وبعدك حبيبي و مكاتيبكـ مع أغراضي
ماغـيّر الوقت فيني داخلي سهومه

كيف اتغيّر عليكـ و كيف بعتاضي
والننفس شفقى كسيرة حال مهـمومه

هذا مصيري مــدام ان الزمن قاضي
حاكم علينا نعيش ايام مشؤومه

قرّب هلال(ن) فوانيسه معـه تاضي
وبعثت لكـ تهنئه بدمـــوع مرسومه

ومباركـ عليكـ الشهر ياحبّي الماضي
عسى تهنى به و تدعي لي مع اقـدومه