03-30-2021
|
|
|
يقولون الرجال ما يعيبه الا جيبه, صدق ولا كلمة وتنقال .؟
.
.
.
يقولون الرجال ما يعيبه الا جيبه
هل هالكلام صحيح ؟!!
يعني مثلا لو واحد داشر وداج وماعنده أخلاق ما ينعاب؟
هذا الكلام جابوه في برنامج 99
اللي يجي على الرياضية السعودية
كان الموضوع عن
[ هموم البنات ]
وشدتني نقطه فيه
كان من ضمن البرنامج تقرير
والسؤال كان
عن آخر مره طلعت مع اختك او جلست معها ؟
من ضمن المتقابلين
المذيع : متى آخر مره طلعت اختك ؟
الشخص : انا خواتي مكانهم البيت تبغاهم يخربون برى
المذيع : لو ما خربت بالطلعه خربت باشياء ثانيه
الشخص : وش الاشياء الثانيه
جوال ومافيه .. وانترنت ومافيه .. وصديقات مافيه
دايم بغرفتها وش يخربها
المذيع : طيب ليش ما تطلعها ؟
الشخص : البنت لا طلعت خربت وفسدت
المذيع : وانت اذا طلعت ما تخرب ؟
الشخص : الرجال ما يعييبه الا جيبه " ومسك جيبه وحركه "
" بس البنت كلها تنعاب "
ونسيو للاسف انه الضغط الزايد يولد الانفجار ويجدو نتيجة عكسية ماترضيهم ويمكن تجبلهم فضيحه بانتحار او شردة من لبيت بسبب الكبت الزايد ...!!!!
هنا السؤال
ما يعيب الرجال الا جيبه يعني يخرب بيديه ورجليه عادي بس اهم شيء يكون معه دراهم هل هذه كلمه صحيحه وواقعيه ؟[]
|