08-10-2010
|
#6
|
اللحين نجي للحلويات 
حلى ميني شابورة 
المقادير :
حليب مكثف
حليب أبو قوس
6 حبات كيري
ميني شابورة من جهينة
نخلطهم بالخلاط بعدين نصبها ع الشابوره ونخليها 3 ساعات تقريباً ونقلبها من فترة لفترة
وهذي صورة الشابورة
بعدها نحطها بصينية تقديم ونزينها بالهيرشي وبالعافية
***
حلى أقرب للتشيز حامض حلو
المقادير:
الطبقة الأولى / علبتين بسكوت جوزاء مطحون + زبدة + شوية موية
نعجنها مع بعض ونحطها طبقة أولى في الصينية ونضغطها قوة
الطبقة الثانية / علبة زبادي + 4 فناجيل حليب بودرة + 2 فنجال سكر
نحطها فوق البسكوت وندخلها الفرن لحد ماتتماسك
بعدها نقطعها بالشكل اللي نحب ونزينها بفليك أو هيرشي أو مالتيزرز حسب الرغبة
***
جبنية
الأصل العجينة عجينة دونات بس أنا خليتها جبنية لأني ماأحب الجبنية تقرمش أحبها هشه 
المقادير :
في الخلاط / 2بيضة , بطاطس مسلوق , بيالة سكر , م.ك خميرة , كاس حليب سايل , 3 ملاعق جبن سايل , ثلاث أرباع كاس موية بعد مانخلطها
نعجن فيها كاسين طحين ونخليها تتخمر , بعدها نفردها ونقطعها ونقليها << تعبت وأنا أشرح ترا 
ونفس العجينة أنا سويت فيها دونات محشية طعمها خييااال , بعد ماتتخمر أفردها وأقطعها دوائر وأحشيها بجالكسي سادة وأقليها بعدين أغطيها بـ سكر بودرة طعمها خيال جداً بس ماصارت فرصة أصورها إن شاء الله برمضان أصلحها وأصورها 
***
لقيمات
المقادير:
ملعقتين دقيق بر
ملعقة كاستر
فنجال سكر
شوية موية
م.ك خميرة
ملعقتين حليب بودرة
كاسين طحين
نعجنهم مع بعض بـ كاسين موية تقريباً
وقبل مانلقمها بالزيت نخلط معها ملعقة قشطة بشرط ماتكون باردة ,
وبالعافية
**
وبس خلص موضوعي المتواضع وصار بين ايديكم , لكن طلبي أي وحدة تمر من هنا تكتب نوع فرنها إذا هو كويس أبي أشتري فرن بس محتارة أبي شي مجرب ومضمون
ورمضانكم كريم , الله يبلغنا إياه ويكتب لنا القبول
|
|
|
|
|