بعض القصائد تجبر على المجاراة او الرد فشكرا لكل من يصون الحرف ويتقن المعنى ويجذب القارئ ..

يقول .. نجم ضاوي ..

‏ودي اطير بعيد . . ونسى حياتي
وسكن بديره . . خاليه ما بها حد

غير الهنوف . . الفارقه بالصفاتي
اللي ليا من .. شافها القلب يسعد

اللي . . ليا جت . . لابسه للعباتي
ومغطيه بلثامها .. الخشم والخد

ماغير اشوف.. عيونها المرهفاتي
اللي يطيح بشوفها الطفل والجد

يوم اقبلت . . ايقنت انا بالمماتي
والقلب يرفع .. اصبعه .. بالتّشهّد

ياناس ماهي .. مثل باقي البناتي
احترت انا بوصافها . يا عرب جد

عذبه رشيقه . . والثمر .. يانعاتي
والثلج كنه .. في كفوفه . . تجمّد

راحت حواسي . صوبها مهرفلاتي
من عقب كانت .. نايمه .. ماتزهّد

حتى المشاعر . . كانت مزرفلاتي
وتفتّحت له .. كل ابوها .. بلا حد

راحت .. وانا اقول . . يالله ياتي
اليوم .. اللي . . به لقانا .. يْتِجدد

... وسلامتكم ...
بقلمي : اخوكم الشاعر .. نجم ضاوي ..
============================
رد الشاعر/ حمد بن فهد المخالده السبيعي
<{يا نجم ضاوي ذكرتني أول حياتي }>
بديت بإسم الله نانظم القاف بكلماتي
ثم السلام على أهل الوفاء بوافي العد

ألا يا نجم ضاوي ذكرتني أول حياتي
أنظم شعر في كامل الزين مياس القد

أقول أول الشهر تأليه متى يأتي ياتي
كامل الوصف سيد الغنادير بيح السد

الشعر شلال مدلهم سحب ليل سباتي
ساطع الجبين يغار القمر من ذاك الخد

واد دنى أدناه دانة للعقول المذهلاتي
الخشم سيف مجرد لوتراه شاهر الحد

داعج العينين قل سهمها قرب المماتي
للناظر المتعمد خطيره اليا نبلها اشتد

والوجنتين كمالورد قل عنها مورداتي
والشفايف كجمرتين خلفها شبيه البرد

بها عسل صافي اوكما قيل سكر نباتي
والعنق عنق الغزالة مستقيم في المد

والصدر بستان يسعد اللي عليه يباتي
به الوميتين ما لامستها غير ذيك اليد

ناعم الأطراف والكتف نعم الوساداتي
ناحل الخصرين على الكيف تعداه الكد

مدموج الساقين سقاني حلو الكاساتي
شربت شرب الضامي أيام ليته مابعد

وبعد فرقاه عشر سنين كل ليله أحاتي
وقول متى يجي وليفي صاين العهد
الشاعر/ حمد بن فهد المخالده السبيعي
منقول