سـويـســرول الكــاكـــاو
المقادير
5 بيضات حجم كبير نفصل الصفار عن البياض
نصف كوب سكر بودره مقسم الى ربعين
ثلث كوب دقيق+ ربع ملعقه صغيره بيكنج باودر
ملعقتين كبار كاكاو بودره خام انا اسخدمته غير محلى
فانيليا ذرة ملح
الطريقه
يضرب الصفار+الكاكاو+ربع كوب السكر+الفانيليا بالمضرب مده 10 دقايق تقريبااا
ثم نضيف الدقيق المخلوط بالبيكنج باودر تدريجيااااا ونضرب مره اخرى بالمضرب
ثم يضرب بياض البيض مع ذره الملح حتى يصبح هش جدا ثم نضيف ربع كوب السكر البودره تدريجياا مع استمرار الضرب
نضيف خليط الصفار والدقيق على خليط الميرانج تدريجيا مع التقليب بالملعقه
نحضر صينيه ونضع فيها ورق زبده ثم نضع الخليط عليها بحيث يكون سمكه تقريبا نصف سنتيمتر او سنتيمتر تقريبااااااااا
طبعا صينيه مستطيله كبيره مثل الصوره كده
طبعا يكون الفرن حامى على درجه 225 درجه وبيكون ساخن من قبلها
تحطى الصينيه لمده بس 10 دقايق مش هاتطول على فكره يعنى خليكى جنبها لانها بتكون رقيقه فبتستوى بسررعه
ودى صورتها لما طلعت اول لما تطلع ترشى عليها كاكاو بودره محلى طبعا مش مر علشان لما تلفيها ماتلزقش فى بعضها
نلفها بورقه الزبده اللى تحتها ونحطها فى الثلااجه لتبرد
بعد مانخرجها من الثلاجه نشيل ورق الزبده ونغطيها بالكريمه ونلفها وبعدين نحطها داخل ورقه علشان تتمسك فيها وهى ملفوفه ونحطها بالثلاجه مره تانيه
|