نويت السفر ماشي على كفة الاقدار
ولابه خوي يونس الصدر على حالي

على الله ياديره نويت يمها الاسفار
اجر القدم والسير لوحدي وجوالي

وعمري بيد ربي وحكمه في الاعمار
تدبرت امري والامر خيرة احوالي

لنا فالسفر مشوار ما يقبل الاعذار
أعد الدقائق والثواني على بالي

فلاشات ساهر تحص عد النقد بأسرار
وترمي على السائق بلمعات ضوالي

نسدد لهم في اخرالشهر بالاحضار
ولو فاح صدر المشتكي ماعطي بالي

لنا المشتكى في كل سفره بهامشوار
تراقب عيوني واحذر القنص أذا جالي

تعديت بعض احيان ماصادني ساهر
ولكن بعض احيان صيد العشاء غالي

السكب 12

كنت في سفره لجده من الرياض وعند وصولي لمزرعة الخالديه كنت مثبت السرعه وشفت صندوق ساهر ويوم قربت فيه ماشفت الكاميرات ودعست وبعد تعديت شفت وميض لكن ماعرفت مصدره وجاني فهاوه وجلست افكر وش الوميض ومن زود الذكاء هديت وطلعت راسي من الزجاج اطالع السماء هل فيه سحاب كنت أتوقع انه برق قبل مااعرف ان فيه تصوير من الخلف وبعد عرفت وانا في الطريق طقطقت هذي الحتوته