يارب سترك ليا قامت قدامنا تفزز
الجميلة شبه الحور وقلبها مفزوز

آه اقبلت مثلات غصن موز تهزز
ما لوم القلب لشافها وصار مهزوز

ياأبو خالد ما لوم منه لحالي تعزز
كل ما شاف ظريف الطول معزوز

ألا يا خال عيالي قلبي منها اتحزز
يا ليت ما ثرت فيني ذيك الحزوز

آه يانفس تمنيني وما طاوعها تلزز
باللي يفرح اليا صار بجنبي ملزوز

ما نيب اللي بنظم القوافي يترزز
من فضل ربي شاهر كالعلم مرزوز

كم و كم لشافني الزين بعينه خزز
اتجمل وتصبر ماكن القلب مخزوز

واتعوذ من كل شيطان علينا موزز
واسال الله يبعدكم عن كل موزوز

لا تستغرب ينصحك جاهل ماتغزز
وعمري ماسمعت شكى له المغزوز

ألا يا طريح الهوى صبرك لا تتكزز
كثير الناس أصبحت تكره المكزوز

لا تخلي قلب عاشقك منك يتجزز
وأنت هيهات ترضى بقلب مجزوز

يا من تجهل الحب ما هوب مطزز
ولا كل الأوادم عند العرب مطزوز

وهيهات يعرف العسل من لا تمزز
وجامده إلى ثبت ما يكون ممزوز

وحي الذي لعقله من الشوايب نزز
سوات الجدار المتمسك مابه نزوز

على هونك ياللي شبيه غصن تهزز
خليت قلب العاشق الولهان مهزوز
الشاعر/ حمد بن فهد المخالده السبيعي
منقول

مشكوره قلبي ضوى الليل على تصميم مميز ربي يسعدك يارب