ذات يوم سيدرك أهل السوشل ميديا ووسائل التواصل الانحرافي اللي يسمونه اجتماعي أن المنتديات لها طابع وانظمه وقوانين تجبر الشخص أنه م يتعدا حد الخطوط الحمرا ويبقا ملتزم بعادات وتقاليد ومبادي كل ماللناس تتخلا عنها ،، في ذمتي اني قلت ذا الكلام من تلقاء نفسي بعد ما البارح دخلت مقهى مدري كوفي وانا ماني راعي المقاهي لكن يوم اني شفت لي كم بنت داخله المقهى تالي الليل لا عبايه ولا شيله اكتشفت اني ما كنت ادري وش صاير فالدنيا لن اللي يسمع غير اللي يشوف والمشكلة كل ماقول لحد يقول عادي ي ولد انت وين عايش باقي ما شفت شي والله مدري وش اقول لكن اكتشفت اني في نعمه والله يبعدنا عن ذا الفتن ويحسن الخاتمه يوم أن كنها من علامات الساعه
|