لاتصادر على القلب المولع حقوقه
ودنا نعرف المحتاج وش هي ظروفه

ليت بعض الخلايق لو يعقم خفوقه
البلا في خفوقه قبل يضرب كفوفه

في خفوقه ويجري في مجاري عروقه
في مجاري عروقه والخلايق تشوفه

هل وبل السحائب قبل تبرق بروقه
والقلم قام يرثغ قبل ينثرحروفه

مابعد ليلاً اسود كود مطلع شروقه
والخباري لهتان السحايب لهوفه

مهرتاً من رسنها مدلهمه طلوقه
ماخذة وقتها كله ولا هي عسوفه

جامحه في ميادين التسابق سبوقه
كنها ماخذه صوت الكمنجه بروفه

من لمحها تزود في حشى القلب شوقه
اشهد انها لضميان العواطف خطوفه

واوجودي عليها وجد من طاح سوقه
ما القهر قام باسنانه يقطع شفوفه

دمعته فوق خده وحرقنه ميوقه
شايفن حاجتً له مير قامت تطوفه

لو بباق العمر من المصارف يبوقه
لو يدبل عليها من رصيده بلوفه

السكب 12