ياليل الغرام الهادي
ياورق السلام الشادي
وقتك هجري وميلادي
ما يلزم علي إيضاحه

حبيت وحبيبي قاسي
أشكي مالقيت مواسي
عالج حالتي يا راسي
رشّ عطوره الفواحه

اغيّب لا شفت وصوفه
لا قامت ترجّ ردوفه
ثم شفت العباه تحوفه
والغربي تهب رياحه

اذكر خصره المتجوّع
والردف الكبير مروع
يغري قلب كل مطوّع
من شافه تزيد جراحه

في ذيك الشفايا الذله
ا عقول البشر منهبله
لعبت فالخفوق السبله
مافي حب مثله راحه

الموت الحمر ف الشامه
لوموا نفسي اللوّامه
لرضاها تقوم قيامه
ببيوتٍ تهزّ الساحه

هذا حظي ومكتوبي
يا وجدي على محبوبي
لعيونه تهون ذنوبي
لبى عيونه الذباحه

يهدم فالخفوق ويبني
الخصر النحيل اتعبني
ياغبني بعد ياغبني
ما اضن بغيابه راحه

لاحظ حالتي يا ناجي
مهما صار برجي عاجي
الشوق بخفوقي لاجي
ضايع قفله ومفتاحه