البارت16❤❤.


نوف : جواهر ممكن تجين شوي برا ، ابيك بموضوع .
جواهر قامت معاها ، ووقفت قبالها : سمي ؟
نوف بربكه : عادي تاخذيني لغرفتك ، فستاني انفتح شوي وبعدله
جواهر : اكيد عادي تعالي.
مشت قبلها لين وصلتها لغرفتها وفتحت لها الباب : خذي راحتك .
دخلت نوف ورجعت جواهر لغرفة الضيوف ، نوف سمعت اصوات ضحكهم ، إستغلت الفرصه وطلعت من غرفة جواهر لغرفة أم سـند
فتحت الباب بهدوء ودخلت ، ماعرفت كيف صارت بكل هالهدوء
وداخلها ربكة الدنيا وإزعاجها ، كانت متأكده انها نايمه
وماراح تصحى بسرعه لإنهم يعطونها أدويه تنومها ساعات طويله تقدمت لها وناظرت بشكلها وهي نايمه وأنصعقت من شكلها ، كانت نحيفه بشكل يوجع القلب وملامحها مُرهقه وواضح المرض لعب فيها لعـب
بلعت غصّتها وتذكرت اللي جايّه عشانه ، اخذت جوال ام سند
اللي مركون جنبها على الطاوله ، وفتحته بسرعه وكتبت له " تعـال " .
رجّعت الجوال لمكانه ، ووقفت قبال المرايا وناظرت لنفسها برِضا
رغم قهرها انها لابسه لبس مو لها ، لكن المهم تقهره مثل ماقهـرها
وأهمل إنتظارها له سنين طويـله.
مـرت خمس دقايق ، ونوف كل خوفها ان جواهر ترجع
وماتلقاها بغرفتها ،زادت ربكتها وحسّت حرارتها ترتفع من التوّتر
قررت تتراجع عن اللي بتسويه وإتجهت بخطوات سريعه للباب بتطلع ومجرد ما وقفت قباله إنفتح بقـوه وشهـقت برعب
وقف مصدوم ومذهول لمّا شافها ، ماستوعب من اللحظات الأولى
كان جاي مستعجل وخايف من رسالة أمه وفجأه تطلع هذي بوجهه ماعرفها ولا يدري وش جابها لغرفة أمه ، عقد حواجبه ومانسى اللي جاي عشانه ، ناظر لأمه وشافها نايمه وأنفاسها منتظمه ، ارتاح شوي
ناظر فيها وما فاتته نظرات الحزن بعيونها ، غض البصر وهو يحس انه عاجز عن التصرّف ، مايدري وش يقول لها
أستوعب لما كانت عينه على طارف فستانها الأحـمر
ورفع راسه والصدمه بملامحه ، ركز بملامحها يحاول يتأكد منها..
ماكانت صاحـبة الفـستان !
شافت يناظر فيها بشتات وعرفت وش يفكّر فيه
تجمّع الدمع بعيونها وبلعت غصّتها وهي خايفه
من ردة فعلـه كثر ماهي فرحانه بشوفته ..
سـند بصوت هادي ونبرات حـادّه : من أنـتي ؟
خنقتها العبره ، وخانتها دمعـه لما صدمها إنه مايعرفها
ورفعت يدها لخدها ومسحت دمعتها وزادت صــدمات سند بالخاتم
اللي بيدها ، والعقد اللي بنحرها ، وسوارتهـا اللي برقت بوجهه
هذي وَرد ؟
وكأن نوف سمعت سؤاله وجاوبت بصوت مبحوح : انا نـوف !
سَـند حس لوهله أنه بحلم طويـل ، رجع عنها خطوه
ولا زال عاجز عن الرد والتعبير والتصرّف .
نـوف أستجمعت نفسها وقالت بصوت طبيعي : جيت اتطمن على عمتي
ماكان عندي خبر انك موجود ، أعتـذر !
•

مشكوره قلبي ضوى الليل على تصميم مميز ربي يسعدك يارب