أبـا أوصّـف الخـوّه حسـب منطـق العقّـال *** وأبـا أميّـز المخـطـي وأبــا أمـيّـز الصـايـب
خـويٍ لـو يميـل الدهـر بالـوفـاء مــا مــال *** نهـج منهـج الوافيـن مـع منـهـج الشـايـب
يصون الخوي في لازمـه وإن وقـف رجـال *** وعـن الحـق مـا هـو لا مخـادع ولا هـايـب
ولا يـنـكـر الـعـشـره ولا يـتـبــع الـجـهّــال *** بنـالـه بطيـبـه بـيــت فالـمـنـزل الـطـايـب
نهض صيته بفعله شجيـع وكريـم إسبـال *** وماهـو عـن المـوقـف لـيـا صـوّتـو غـايـب
هذا خوتـه فيهـا الشـرف مـا عليـه إجـدال *** ينومسـك مـا أنتـه فيـه خاسـر ولا خايـب
وخــويٍ عـلـى ماقـيـل تلـعـبّـه الاقـــوال *** مـع الـنـاس لا ودى ولا هــو لـهـم جـايـب
يبيع الخوي من شـان تضحـك لـه الانـذال *** ومن شان يرضي راعـي المبسـم الرايـب
من الضعف يجحد كل معـروف مالـه حـال *** ردي يتبـع النسـوان فــي دنيـتـه سـايـب
خساره علـى راس الـردي فالليـال عقـال *** ما دامه على علـم الـردى حـارس ونايـب
نصيحـه تـرى الخـوه لهـا يالرجـال إجــلال *** لكّـن احـذرو مــن خــوّة الخـايـب العـايـب
ورى المصلحه يمشي معك لو زمانه طال *** وإذا أحتجـت لـه تلقـاه مـن خـوتـك تـايـب