جات حزة ضيقة الصدر والهم الاليم
وقبل اليل وظلامه بذكرى ن فايته

اضفت اسدوله على القلب وضلوعي هشيم
وولعت ناره بجوفي ورفت رايته

لوح بكفه على الحزن لاهب النسيم
وهني الي بنوم اليالي بايته

ياوجودي وجد طفل ن على الدنيا يتيم
مات ابوه وماتت امه بسن انشايته

لا تذكر كلمة امه سرا اليل العتيم
يوم قالت ياهوى القلب ونت منايته

ون سمع كلمة يبه ون وضلوعه حطيم
ناحل حاله وذكر الابو برايته

او وجودي وجد من طاولة اسم العقيم
كبر سنه والعرب لاحضو هذرايته

وجد حالي وجد مرضان من داء سقيم
يتعبه طاري المطوع صوت قرايته

اتوجد لا طرالي من الوقت القديم
لا تذكرت المواصل وحسن عنايته

كيف ابنسى لذة العمر والله العظيم
مانسيتك ياهو القلب واكبر غايته

شوفتك هي جنة العمر والفرقا جحيم
يقطعك حب ن ودرب الشقا هي نهايته