ليلي البارحة كنه ثلاثين ليل
يوم يجتاحني للضيق ضيق علي

حسبي الله على بعده ونعم الوكيل
لين خلاني اشهر عبرتي وازعلي

كيف أعيش الخيال اللي مساره قليل
واتلذذ بقربه وانتهض واعتلي

توني مقتنع في بعدعمرٍ طويل
مصطلح للمحبة ينقض ويفتلي

وجد حالن على حالن كلاه الخليل
الخليل العديم اللي على مبتلي

حطني في مربع غير ماله مثيل
عبر بوابتن من سجتي تزملي

والعيون الوساع اللي برمش ضليل
احسب انها وناسه وأثرها هم لي

زود فوق العيون الخصر خصرن نحيل
والشفايف ورسم الخد ماله حلي

والبلا فالغياب اللي بليّا ذبيل
حط من شافني يسال ويشره علي

ودي انسى وكيف انسى الشقى والرحيل
كلها تجتمع في وجه مستقبلي