ياحبيبي لاسمح خاطرك قلي
كل زورٍ فيه شور آمر وناهي
التختل ماهوب طبيعةٍ لي
لاتباغتني وانا غافل وساهي
خل في دمك حيا لو ربع ملي
أحشم ايام الغلا اللي كان راهي
والله ان فرقاك ماهو جايزٍ لي
لكن الموضوع ماشد انتباهي
كل مامال الدهر ماقلت من لي
خابر ان مالي مع العالم مضاهي
ماخذ الدنيا بخاطر مسفهلي
لو ماعيّن غير خبز وكاس شاهي
من قطع حبل الوصل خله يولي
كل قلب له شفوف ومشاهي
ان بغيت تغيب غيب الغيبه اللي
مايغيّر رايه ، وجهي ، وجاهي
لاتبادر بالتجاهل . والتغلي
والله أني فاهم شعورك تجاهي
ماهدم صرح الغلا غير التسلي
وانت تلهابي وانا ماني بلاهي
ياتجي كلك عشان اجيك كلي
وترجع اوضاع المحبه ماهي
ولاتدري وانت كفو تصير خلي
العوض في ماخسرته عند إلهي