بعض الرجال شيمته بوجبة ابطينه
لاكرمت بطنه تدوسه بالقدم حافي

منزوعه الشيمه من راسه والا ذقينه
ادعس على خده وأفضل ما تكن حافي

واحذر من اهل المصالح رفقته شينه
فالحاجه شبك يدينه براسه ثم الاردافي

وحدق بعينه وكن الموت دنا حينه
وشان وجهه وبأن المخفي الخافي

عنده صغار اللزوم اكبار ثقيل طينه
عساه تحت الثري مدفون بالسافي

مثله يعد مشكله فالمجتمع ابعينه
حاول تجنب مجالس تكرم الهافي

الضيف ضيف الله المكرم له الزينه
يقلط على واجبه بالخاطر الصافي

ماهي لامور دنيويه تقضي اسنينه
يرفع مقامه وشان القول لاسنافي

مطنوخ فالنظره يكفي لارمش عينه
تطرب لقوله ومحزم جنبك الضافي

لاجاك بالطيبه ماجاك بالشينه
حطه بيمنا حجاج العين يعد وافي

السكب 12

هذي كتبتها في موقع فيه لحظيه فيه شعار وتعمدت وضع خلل في شطرين اوثلاثه في قافيه العجز بقصد النقاش او النقد والبعض ردوا عليها ولم يقولون شي وتم التعديل الان وزيادة البيت الاخير كثير من الذي يكتبون في المنتديات لايحبون من ينتقدهم أمام الأعضاء وينسون برامج شاعر المليون والمعنى وفرسان القصيد وكيف كانت اللجان تنتقد الشعار على الملاء عبر شاشات التلفاز!!؟؟