قلبي اللي كل ليله يحتريه
ينتظر وصله ووصله ماظوى

يدعي اسمه كل مايطري عليه
ويتنهدت كل ماهب الهوا

ايتشفق للوصال ويحتريه
وان دعا غيره من اللهفه غوى

راح عمري والمشاعر ترتجيه
والوصل ماغيره لقلبي دواء

اسالك بالله ويش اللي تبيه
وش تبي باللي لهجرك ماقوى

في عذابه ماتقصر بس ليه
دام قلبه من عنا البعد استوى

مايشوف الا خيالك في الوجيه
لين صارو كل خلق الله سوى
،
كل مازرت الخيال وجيت فيه
عشاقك لو عنده العالم دوا

حبك بقلبي ولو تقسى عليه
دام راسي حي واشم الهوى