اللي على ثقلي تحرّض عنادي
لا تحسب اني عن هواها تناسيت

مشيت وانا منتظرها تنادي
وشفت انها ماعاد نادت و صديت
مادامها وصلت حدود التمادي
لو قربها يحيي من الموت ماجيت

استسهل النسيان واقول عادي
وانا عليها اشفق من الحي للميت

الحب مايصلح بليا مبادي
والليل مايسري بليا تناهيت

قلب الحبيب يحن مهما يعادي
ويحب لو ماقال للناس حبيت

حسيت بالغربه وانا في بلادي
وهزتني الذكرى القديمه وحنيت

خلتني الايام مكتوف ايادي
بالله فيني يازمن ويش سويت

شعوري الابيض تحول رمادي
وعن كل شيٍ كنت احبه تخليت

اهيم بالتفكير في كل وادي
وان نامو العالم من النوم فزيت