يالله ياعال الصفات الممجّد
يا واحد فردا رحيم بـ عبيده
تحفظ لنا صقر الجزيرة محمد
ومن صالح الأعمال يالله تزيده
صقر من اهل الطيب ساسه مردد
متشربا بالطيب مجرى وريده
سلمان ابوه ابن الإمام الموحّد
وجات الصفات النادرة في حفيده
ماهي غريبة يوم ساد وتسيّد
فن الزعامة كاملا في رصيده
حرٍ تسيد واعتلا ذروة المجد
علم السياسة والرياسة يجيده
كم منعوج من هالطبيعة تجرّد
محمد ولد سلمان مشّاه سيده
إقدم يابن سلمان دربك مجرهد
وقصرا بديت بناه كمّل وشيده
وشعبك معك مافيهم اللي يتردد
متوافقين الراي في اللي تريده
تعطي طنش هرج الضعوف المقرّد
اقصى مداه يخاطبك في جريده
والا انت سيفك في المهمات يرعد
لك في اقتباس الراي نظره بعيده
المملكة ترقص ومدّت لك اليد
عروستك وتقول غيرك ماريده
تحيتي لأمٍ ضناها محمد
انا اشهد ان الام جابت وليده


الشاعرة / عيده المطيري