سلهمت بالرمش والكحل سايح بالخدود
والشفايف باين الروج من خلف اللثام

والسهام اللي تحدك على حد الحدود
عند طلاب الهوى حب مردود السلام

لكن الدنيا تحده يجي قرب الحدود
والجوازات تمنع اللي مسافر باحترام

كحل اعيونك من البنت وازهمها العنود
واشتبكنا اثنين بالحب واجنون الغرام

واجتمع عاشق ومغرم على وردة وعود
الله اعلم خافي الغيب ما يلحقنا الملام

غيرغمزات النظر وابتسامة أبلا حدود
ماحصل غير المقابل وماشابه حرام

وابتسامة كنها التوت وهزات النهود
وافترقنا والمفارق على حسن الختام

ماشربت ماي الهماج شربي العذب العدود
طبعي الشامخ ولو ماتجي حسب المرام

السكب 12

هذي كتبتها في عروس وادي حنيفه وش رايكم تستاهل والا كخه مثل العريس الحال من بعضه من جرف لدحديره ياقلب لاتحزن