حبيبتي وتبكين ؟ فيها قبايل
تصفقني الدنيا من يسار ويمين
وانا جبل صعب انحني واتمايل !
لكن اذا مابنتي؟ اكابد . . البين
ويروح همّي بين "صايل وجايل"
لا مر لك طاري اذوق الأمرين !
واحر كبدي مثل .. حر القوايل
ادري مثل ماكنت اعاني تعانين
مصدقك ، ماني بِ حاجة دلايل
لو ياخذونك من يديني بِ تبقين
اوّل عمُر واحلى السنين الاوايل
عِندي امل لو طوّل البُعد بتزين
آمال الارض المجدبه بِ المخايل
لكن ماودي لو احاتي .. تحاتين
وحزني اذا بتزول ضيقتك؟ زايل
كثفت احساسي على شان ترضين
ونشرت لك صوتي بِ كل الوسايل
لو قلتي اتمنى ورحل ماتمنّين !
تذكريني فيك .. وش كنت قايل
حبيبتي مهما حصل لاتضيقين
رضاك غايه تنحني له وسايل !
انا احب ضحكتك لاعاد تبكين
حبيبتي وتبكين؟ فيها قبايل
|