ياهاجســـي بالله حلـــق كمــا الطير
خل الهواجيس القويــــه تهابك


ابغاك تبعـــد فــــوق حــــد النواظير
حطـــم رقــم فيلكس وانثر زهابك


عطني جزيل القول ‏فـ♡ـي گـل تعبير
وأنا ادري ان الهزل ماهو جوابك


وارسم بحرف الشعر زين التصاوير
خــل القصيد اليوم يشكـي صبابك


لجلك بســــوق ابيات شعــري طوابير
‏فـ♡ـي گل بيت اكيد حاسب حسابك


لا والله ان الحــــــظ طالــــع به الخير
يستاهـــل التقديـــر مـن عقــب جابك


الوقت غيــــر الوقت وانتـــه بعد غير
كـــــــل المشاعر وقفت عنــــد بابك


فلحظة ذهـــــول اقول هو حلم ويطير
فجـــــأءه يدينا مــــــع بعضها تشابك


قـــــال الله الله ويــــن سقـــت التفاكير
جسمــــــك هنـــــا والفكر عني غدابك


قلت انتظـــــر للقلب اســــوق التباشير
يقطع ضمــــاه الـي مضى من شرابك


مادمــــت تملك كل الاوصاف وتثير
ليه الحــــزن مجتــــاح حظرت جنابك ؟


حكم القـــــدر بيصير بيصير بيصير
ارضـــــى بحكمــه دام حكمــه رضابك


العمـــــــر يمضي تحت حكم المقادير
والحكـــــم والله مـــادرى عـــــن عتابك


ياشــــوق تكفى روح ضمــن المسايير
ومــــن ويـــن ماتـــــذهب توجــــه ذهابك


العــــــذر ثم العـــذر لا صار تقصير
وارجــــــوك عنــــــي لايطــــــول غيابك

مما استوقفني