03-13-2020
|
|
|
إن كان حبك ذنب يااجمل بلاد..انشهد إني راضيٍ بإقترافه
من شآن ملحك يابلد غارت بلاد
أرضك ربيع وفي شموخك أنافه
تريّضي ياديرتي ربعك أجوآد
لاتنطحين الغيم ليه الكلافه
الغيم ينزل لك ويعطيك ميعاد
يبقى تحت أمرك بحسن ولطآفه
ترقص لك النجمآت في ليل الأعيآد
وبجنبك القمرآ تنآل الوصآفه
والشمس تآخذ من سنآ نورك إمدآد
وليآ غربت يآخذ زمآم الخلافه
صوت الهبوب بغصن زيتونك إنشآد
يجآوب أسرآب الحمآم بظرآفه
وآديك وإن سيّل موآطيه رعّآد
ريح الخزآمى تشتعل في ضفآفه
ثرآك كنزٍ وآرثينه من أجداد
مانسآوم بسعره بنوك الصرآفه
غلاك عودٍ يحرقه شوق وقّاد
وحلاك وردٍ حان موعد قطآفه
كم عآبرٍ مرّك وثبت بك أوتاد
وأصبح من أهل الدآر وأهل الضيآفه
14عآمٍ وأنا عنك ببعآد
ماهو بكيفي مير حظّ وكسآفه
واليوم جيتك عآشقٍ صآبه إجهآد
يتوسّلك تستقبلين إعترآفه
ودّه يعوّض ماجرآله من إسهآد
فرآشه أرضك والسما هي لحآفه
الملح من حطّه على الجرح يزدآد
وملحك دوى للي كتب فيك قآفه
وإن كآن حبّك ذنب يا أجمل بلاد
أنشهد إنّي رآضيٍ بإقترآفه
يالايمي بحب القريّآت وش عآد؟!
بنتٍ هوآها طآب لي إرتشآفه
الشاعرمتعب النصار
|