03-11-2020
|
|
|
جيت الطبيب اللي على الصدر مختص
جيت الطبيب اللي على الصدر مختص
ابي يسوي لي على الصدر تشخيص
ثم حط سماعه على الصدر وقال أص
اسمع لي بصدرك حساس ووصاويص
نبي نسوي لك إشاعه وتفحص
ونمحص اللي داخل الصدر تمحيص
سوى الإشاعه وقال ياصاحبي بص
لايدخل بصدرك أحد دون ترخيص
لقيت في صدرك مواطي قدم لص
والقلب مقصوص من الصدر تقصيص
وانت عن اللي سارق قلبك ابخص
قلت ايه داري به وعن وضعه أبخيص
هذاك مايرخص لو الناس ترخص
وأنا بعد عنده ترى ماني رخيص
بيني وبينه قلبي النص بالنص
لا والله الا كله بدون تنقيص
يخبص ويوزع وأقول امش مااقص
مافيه تكويش ولافيه تخبيص
مادام هذي علتي ياطبيب أص
مانيب في حاجة علاج وتشخيص
|