أختارگ القلب قبل العين تختارگ
‏‎أنت الذي بدّ هالعالم تخيّرته

لفيتني من سما واغشتني انوارگ
‏‎يا اجمل من اللي تمنّيت وتصوّرته

أسرتني لا بدا من حسنگ أسرارگ
‏‎والقلب من صادق الاحساس سوّرته

يا مالكني فالهوا و انته المالك
درب الصعايب لأجل عينيك غامرته

ما للقمر ضيّ .. لو أنّ القمَر يارگ
‏‎ولا للزّهَر عطر يمّك .. وأنت عطّرته

من تارف الخدّ تخجل باقة أزهارگ!
‏‎ويتوه موطاگ في عودگ وبخترته

بحسنگ الطّاهر وحشمتگ ووقارگ
‏‎ليّنت قلبن .. عن الباقيين حجّرته

أنعَم بجنّتگ وأنعَم يالغلا بنارگ
‏‎يكفيني انگ معاي العمر خاشرته

أن طوّلت غيبَتگ لا تبدي اعذارگ
‏‎كبير همّي اذا شفتگ تصاغرته

‏أسهر وعيني على رقم جوالك
‏قلي تصالك حبيبي ليش أخرته

منوة حروفي تييبگ بس تحتارگ!
‏‎ما ياب بعضگ قصيداً فيگ سطّرته

في صادف اظروفنا لا تشغل أفگارك
‏‎أنت الذي بدّ خلق الله تخيّرته