برد وشتا .. والقلب محتاج لإنسان
برد وشتا .. والقلب محتاج لإنسان
شخصً يحبه .. ما يبي شخص ثاني
شخصً بكى منّه وغدى الدمع هتان
يكفيني لو أدفى ... بصدره ثواني
خلي واعرفه زين ماهو بخوان
لكن جبره الوقت ماهو اناني
راح بنصيبه واذكره كان ندمان
واللي مزود علتي مانساني
لليوم ينشد كيف حالي وشفقان
وللحين ماغير بصدره ......مكاني
قولو له ان خالد بكى دم ولهان
وقولو له اني في حياتي اعاني
وقولو له ان الشيب في عارضه بان
راحت حياتي انتظر في .....مكاني
قولو له ان الوصل مابيننا حان
وان كان مايقدر بيقدر عشاني
صار الصدر للهم والغم مزبان
ماعاد للدنيا طعم او معاني
|