احبك وانت في قلبي وحيد ولا عليك غبار
وحبك مصدر الهامي ويعكس ذوقي الراقي
احبك كثر ما تبرر وتخلق للغياب اعذار
واحبك كثر ما انتظرك وانا واقف على ساقي
اثر شوفك مثل شوف السحاب وطيحة الامطار
بعد ما يبست عروقي عليك وطاحت اوراقي
شسولفلك حبيبي وانت ما تدري وش اللي صار
انا العاشق انا الساهر انا التايه انا الشاقي
انا ودي معاك العمر اعيشه في ثلاث اعمار
ولكن العمر واحد وراح اكثر من الباقي
تعال اكسر عيون الشوق مدام ان السنين قصار
وقبل لا يموت حب(ن) ترعرع داخل اعماقي

• جنون قصايدليل في التصاميـم
• لآ تسألونيے مـכּ أڪَوכּ •● هُنآ أنفَآسْ وξـشقـہآ כـتى الجنوכּ •●