توقّفت ساعة لقانا بالتّمام
على آخر أشواقي معك إلا عشر
مكانك الفاضي يبلّغك السلام
للحين من بعدَك هو أجمل من حضر

شف عالمي من بعد هالغيبة ظلام
موحش وكن الأرض مافيها بشر
وينك فقدتك .. لاسلام ولاكلام
وقتي بدونك في غيابك مايمر
عمري بدونك يانظر عيني حرام
إذا إنت ما انت بدنيتي مالي نظر
عينك وسيعه تلفت عيون الأنام
ماعاد عندي في مقاومها صبر
جمال وجهك غير يابدر التمام
مالك شبيه بـ طلّتك غير القمر
تعال سمعني دفا صوتك بنام
ما احتاج صوتك يوم .. أحتاجه عمر