01-12-2020
|
|
|
قصيدة اقلدها
وش اكتب لك جديد .. وكل جديدً في غيابك مل
قديمات الجروح .. ليا متى وانا اجددها
من يقول الدموع اللي على شان المحبه ذل
حلاة الروح .. تشقيها وتحزنها وتسعدها ، !
ترى مايذبح العاشق .. بعد طول الفراق ان حل
سوى روحي ليا كانت .. على روحك معودها
يقولون العرب خير الكلام اللي ما قل ودل
وواشوف الحب حلاته بالسوالف لو نزودها .. !
ㅤㅤ
احسك تشبه لروحي اذا شوق المحبه طل .. ؟
مع انها عايشة فيني .. ولكن حيل فاقدها
ㅤㅤ
آحبك يابعد حي القصيد اللي عشانك سل
سيوف الشعر وآجتاح المشاعر في قصايدها
ㅤㅤ
تبي تعرف الحنين ليا ذبحني كيف الاقي حل ؟
اجي صوب المرايا .. وكل ضحكة منك اقلدها
خبرت انسان .. من شمس المحبه مايدور ظل ؟
انا هذا .. احب اتعب قبل للحاجه احصدها
اذا انك خايف الفرقى وطاريها .. تراك بحل !
ولكن روحي بروحك .. دخيلك لا تعودها
|