12-15-2019
|
|
|
يا ضيم الله الكلّك راحه
يا ضيم الله الكلّك راحه
يمفرّط خرزات سنيني
بالك تضحك ، خاف آتغمّض
اِخزرني وفختايه آرميني
بعويناتك موت آيشهّي
يغسلني بهيلايه وخمره
وماي آخضيره وحبة حلوه
ومايع للجنه آيودّيني
لهناك المو مثل الدنيا
للّيل المو مثل الليل
للمامش آه وياويل
يا بخت المغسول بهيل
يمفرفحني ومبري الذمه
اشكَد موت بطعم الفرحه
مابين الخزرات وبيني !!
ياضيم الله الكلّك راحه
يل فالت بالدنيا آمن آيدي
يلّي آمن آبعيد آتمشيني
لو يم الله آلكَاك آكَبالي
وعينك تتراهم ويْ عيني
|