مَا يلهي الإنسان عن شي | مهم ..!
غـير شيء | أهم ..!
ومَا يلهي [ العاشق ] عن [ العاشق ] ~
غير .. ؛ عشقً جديد ،
أروى اللي تكلمه بهمس:وبعد
حاتم:يا بت خلاص ارفعي صوتك
أروى:ما اقدر خل ينامون عدل و اكلمك
حاتم:لا خلاص لا تقفلي و لاحاجه مافي احلى من الهمس
أروى:لا صوتك أحسن من الصبح
حاتم:الحمدالله و بعدين ايش الطبخ الخطير هدا
أروى:شفت خطيره مو؟
حاتم:لا طبعا هدا مو شغلك اصلا انا غسلت يدي من بعد ساندوتشات البقدونس
أروى وهي تضحك بخفه:ههههههههه بس بس ما صارت غلطه
حاتم بتنهيده:مو مصدق انك رجعتي تكلميني
أروى:اممممم بس مثل ما قلت أكلمك بحدود اساعدك و اسمع لك
حاتم:انا راضي حتى انتي و قت ما تبغي تتكلمي اكون لك و اسمعك
أروى بخوف وهي تسمع دق خالد ع الباب:اششششششش
خالد:نمتي؟
أروى طنشته لحد ما مل وراح لغرفته اوووووووف ما بغى
حاتم بهدوء:أشبك
أروى:هذا أخوي خالد
حاتم:أها طيب ليه خايفه
أروى بتأفف:بكره تعرف امم اللحين لازم أقفل و بكره أكلمك
حاتم باحباط:لسى بدري احدى عشر ما جت
أروى :ما اقدر خلاص بكره من بدري أكلمك
حاتم:طيب أنتبهي على نفسك
أروى:و انت كمان
قفلت وهي مبتسمه و تدور بخفه بالغرفه وهي تردد بهمس ذووووق وربي ذوق مسكت على قلبها وهي تطالع بالمرايه ما اعرف وشلون تجرات و كلمته بس من دون شعور ارسلت له و قلت له أكلمك و اسمعك بس آآآآآآآه بس كلامه غير ذوق أسلوبه يريح بس لو عرفوا أهلك وشلون يعرفون؟ما احد يقرب جوالي و هو اصلا بأسم بنت مستحيل أحد يشك يعني
أبتسمت و هي تردد الحياه حلوه أروى عيشيها عيشيها!!!
كانت مقابله سعود و تسمعه بهدوء
سعود:شيخه خالد ما ينعاب و أبيك تعرفين أنك لو ما تبينه أقدر افركش كل شي
شيخه بعقل:الله يكتب اللي فيه الخير يمكن نصيبي عنده مو عند ولد خالي و انا كل ليل ادعي و استخير و يمكن هالخير اللي ربي رايده
سعود و هو يبوس راسها:الله يكملك بعقلك كنت شايل همك
شيخه بأبتسامه:لا يا سعود أنت و أبوي ما راح تختارون لي الا الزين وربي بيده تيسير كل شي
سعود بأبتسامه:الله يتمم لك بخير
شيخه بخجل:عقبالك أنت و أروى
سعود بهم :تتوقعي؟
شيخه:ليه لا؟
سعود:ايه باتزوجها لانها بنت عمي بس هي بتحبني؟ تبيني؟
شيخه:أروى ما همها الا المظاهر بكره بتكبر و تتغير نظرتها للحياه صدقني هي بس دلوعها حبتين
سعود و هو يلعب بشعرها :الله يكتب اللي فيه الخير يلا أنتي نامي اللحين و بكره خير
من بعد ما طلع تنفست براحه هاليوم ضغط عليها اليوم خطبها خالد و تكنسلت خطبتها من ولد خالتها في اللي زعل وفي اللي رضى بس أبوها كان فرحان لا ن هذا خالد اللي يشهد له الكل بالعقل و الثقل مافي وجه مقارنه بين الاثنين خالد الاحسن طبعا سحبت سجادتها و جلالها و اتجهت للقبله بكل ايمان و هي تدعي و تصلي ان ربي يكتب لها الخير
سعود و هو يحوس بجواله اطلبها اللحين و الا لا بدري ايه خل نخلص من موضوع شيخه وخالد عشان ما يصير شي يخرب عليهم مسح على شعره اللي بدا يطول وهو يذكر كلامها بالمطبخ عندهم معقوله ما تبيني ؟بترفضني يعني ؟و الا هذا بس دلع و لاجاء الجد بتتغير حيرتيني معاك يا اروى حيرتيني
brb
|