أخـاف أغمّـض عـيوني و إن رمـشت أفـقدك
و أخـاف أفـتّح و تـصبح حـلم .. و لا ألـتقيك</B>
و ليد وهو يجلسها ويجلس بجنبها عينه ما كانت تنشال عنها للحظه كان يستمتع بردات فعلها و هي زي اللعبه بيده يحركها مثل ما يبي
ماكان لها أي ردة فعل هي تعبانه خايفه مصدومه من اللي صار و وجود وليد زادها وش يبي؟ وشلون تتصرف معاه
وليد:بتطولين؟غطي وجهك بعدين نا ظريني
لفت وجهها :وش تبي مني؟
وليد:مدري غصب عني انجذب لك بسبب و بدون
فجر:ما بيننا شي ممكن تبعد و تتركني بحالي ما ابي مشاكل و اللي يسلمك
و مشت بس يد وليد سحبتها بخفه مره ثانيه و جلسها بجنبه
فجر وهي تفتح عيونها على وسعها و بعصبيه:ولييييييييييييييد
وليد بهيام:عيونه يا حلو الاسم من فجر
بلعت ريقها و سكتت وهي عينها بيده ما قدرت ترفع وجهها
وليد و هو يرفع وجهها:وش مضايقك و عدتك أكون بجنبك و ربي عالم بنيتي فجر ما ابي اذيك انا لو بيدي أحميك من الدنيا و اللي فيها
كانت تسمع كلامه اللي زادها حاجه لاي احد تبي احد بدنيتها يعطيها هالاحساس بقهر وهي تجاهد دموعها:انت ليه تهتم فيني ما اعرفك مالي علاقه فيك ما ابي منك شي تبي تقنعني بكرم اخلاقك ما ابي انا ابيك تبعد ما ابي قربك و جودك ما يحميني بالعكس أبعد و اتركني بروحي ما ابيك ابعد عني تبي تلعب تبي تتسلى تضحك مو انا انا مو كذا انا ما ابي شي من الدنيا و اللي فيها كل اللي ابيهم راحوا و من بعدهم ما عاد صرت أبي شي يعني منك ما ابي شي و انت ما عندك شي تعطيني
كان يراقب انفعالاتها بهدوء صوتها دموعها اللي تنزل و تمسحها بسرعها رجفتها كلامها اللي كله ألغاز:وش بعد بخاطرك
رفعت راسها له:أبيك تتركني
وليد وهو لسى ماسكها صار يطالع بالبحر :ما اقدر غصب عني صرت أفكر فيك كلك على بعضك تجذبين من شفتك و انا مو قادر أنسى ملامحك
و كمل و هو رافع حاجبه:عشان كذا غطي وجهك
فجر بتنهيده وهي تحاول تسحبه يدها منه:طيب ابي اروح بعد عني
وليد وهو يلف لجهتها:طيب ليه كنتي تبكين اليوم؟و متضايقه و بعدك لحد اللحين
فجر بتأفف:و بعدين
وليد:طمنيني عنك
فجر:أتركني أروح
وليد بعناد:مو قبل ما اعرف وش فيك مو قبل ما اتطمن
فجر:مالك شغل فيني
وليد:كيفك ترى الليل لسى بأوله و مو قايم
فجر بأستسلام:كنت تعبانه وشوي مضغوطه
وليد:من شنو
فجر وهي تحوس بشنطتها و تلبس لثمتها: أبي أروح
وليدبأبتسامه :أوصلك؟
فجر وهي تبعد عنه:طبعا لا
وليد وهو يمشي وراها:منو بيوصلك
فجر :تاكسي
وليد:ما يضر لو وصلتك؟
فجر:منو قالك ما يضر
وليد:يعني هندي عادي و انا لا
فجر وهي تدور على سيارة راجو و ين راح
وليد ببرود:قلت له يمشي لا تدوري
كانت تمشي وكان هو وراها بخطوات قريبه لفت بسرعه وصدمت فيه ع طول كانت واصله لحد صدره بعدت بسرعه و طاحت أغراضها وهي تشوف يد وليد محاوطه خصرها
و ليد اللي كان ناسي الدنيا العالم كل شي حوله من صارت بحضنه رفع وجهها وصدمه منظر دموعها وشهقاتها
بعد بسرعه و بخوف وكانه تو ه يصحى من حلمها:آسف فجر ما تبكي
كل اللي كانت متأكده منه انه لو ترك يدها بتطيح من طولها مو حاسه بشي مو خوف ولا صدمه و لا أمان و لاحب كانت تنادي مشاعرها تدورها ليه ضاعت ليه ما عادت تفهم أحساسها ليه بكت ؟خافت ولا نظراته اللي ما عرفت تقراها اربكتها
وليد و هو يمسح دموعها و بأسف:أسف ما قصدت فجر واللي يسلمك لا تبكين تعذبيني طلبتك خلاص وش تبين أسوي لك أسوي
بعدت يده ببرود وضمت نفسها وهي لسى ترجف نزلت ببط لحد ما جلست جلس جنبها :فجري ردي علي
فجر ببحه من البكاء:تركني بروحي
وليد:اتطمن عليك
فجر ببكاء:أبي مامتي ورجعت تبكي
وليد مو عارف يتصرف سحب شنطتها و طلع جوالها و هي لسى على بكاها و جلس يدور رقم السواق يعرف انها ما راح تركب لو يحلف لها لبكره :راجو سواقك
هزت راسها بايجاب
دق له وطلبه يجي بسرعه تنهد بقوه:أهدي
فجر برجاء: لا تسوي فيني حاجه كان اللي صار لها من ساعات لسى مسيطر عليها
وليد بصدق:و خالقك أخاف عليك ما اذيك انا فجر تعوذي من ابليس و اهدي وش فيك
ضمت نفسها زود و هي تبكي و بداخلها يا ربي مو قدامه أتعب و انهار مو قدامه مو قدامه أضعف
للحظه حس ان اللي قدامه طفله عمرها ما عرفت الامان بكاها خوفها من أبسط شي حيره حتى لو رفع صوته يبان خوفها وقف و مد لها يده و بكل حنان:فجر خلاص بكي قومي شربي شي راجو أكيد جاي اللحين
رفعت عينها له وهي لسى تتنفس بقوه و تطالع بيده
وليد بابتسامه حزينه:يلا
مدت يدها اللي ترجف له و ساعدها تقوم مد لها أغراضها ظلت تناظره بنفس نظرات الخوف وهي تاخذهم منه
تنهد وهي يستغفر:فجر سواقك جاء
لفت تناظر بسرعه تدور له عدلت لثمتها وركضت ع السياره
ظل واقف و هو يطالعها تبعد عن عيونه و تختفي بسرعه زفر بقوه و شد على راسه و هو يعيد هاللحظات وشلون تماديت معاك؟
انا اللي أبي أشيل هالخوف من عينها بنفسي أزرعه بس فيها شي هالبنت حيييييييل مكسوره وش قصتها ؟جلس بنفس المكان اللي جلست فيه و هو يتذكر صوتها دلعها و عنادها حتى رفضها له على قلبه يشبه العسل غمض عيونه و هو يبتسم و ملامحها تنعاد ارتباكها شهقاتها أنتبه على جواله اللي يدق
طلعه من جيبه و تغيرت ملامحه لحقد و هو يشوف رقم نايف قفل الجوال و طالع بساعته و شلون مشى الوقت مع فجر و ما حسيت
يا جعل أوقاتي كلها فداك مسك على قلبه يمه لو تدرين انها بس ترمش تضيع علومي و شلون لا حكت لا سمعتني صوتها تقول بنت فقر و فجر تقول أتركني ثنتينهم ما يدرون عن اللي بقلبي
brb
|