فديتك ممكن تسمعني قوافي جديده.؟؟ قلت: القصايد توها جت على البال تخيري واللي تبينه نعيده شافت وقالت: كلها اجنان واهبال لكن مافيه من اللي اريده!! قلت آمري!! قالت: أبي وصف وخيال بلاش هم وحزن وانا سعيده تمتمت بحروف وتظاهرت بسعال ودي اقول الحزن لانك بعيده قلت : ابشري أغير القاف في الحال وتكوني اول من وصفت بقصيده واكتب لك أجمل بيت في شعري انقال واطوع ابياتي ولو هي عنيده يامن على كتفك بقايا شعر مال ويامن وصوفك بالخلايق فريده الله خلقك وجمل الخد بالخال واعطاك خير اوصاف جت في عبيده طول,ووسامه,جسم , والرمش قتال واوصاف لو بعدّها لك عديده ولبّستي السنه بحبة كريستال ملكتي الجمال وفوق عرشك وحيده قالت كثيره!! قلت ماجيت بالافعال!! لو بوصف افعالك يبي لي جريده ضحكت وهي ترخي على وجهها الشال قالت: (فديتك) هذي اجمل قصيده...