***
وتسافر طيور الوفا
يمّ الدفا رغم البعاد ،
وحنا على قرب الدفا
نحمل | قلوبٍ باردة !
***
علياء اللي ظلت تطالع بمحمد بصدمه وبصراخ:مجنووووووون ايه مجنون
محمد وهو يجلسها بقوه:انكتمي ما طلبت رايك فيني سألتك وش المطلوب
علياء بنفس الصراخ:يمه يمه تعالي تعالي هنا شوفي جنون ولدك تعالي
ام محمد بخوف من صراخهم:وش فيه
محمد وهو يجلس ببرود:فيه ان هذي لو ما سكتت قمت سكتها غصب عنها
علياء وهي بتنجن من كلامه مو مستوعبه:يمه يبي يتزوج
ام محمد بفرح:مبرووك يمه ولفت على علياء مااحد انجن غيرك
علياء بقهر:هذا جاي يقول ابي تخطبين لي هذي اللي اسمها مدى ويقول عادي حتى مشاري مثله
ام محمد اختفت الابتسامه من وجهها وبصدمه:جد حكيها
محمد متجاهل صدمتهم:عادي حرام والا كفرت
ام محمد:انت بكري فرحتي ابي اختار عروسك ابي افرح فيك
علياء:فهميه
محمد ببرود تعود عليه من شغله:طلعي برا ممكن؟
احتقرته ومشت وهي تسب وتلعن في مدى
مشى لعند امه وجلس عند رجولها وحط راسه بحضنها وسكت فتره بعدين تكلم:يمه ليش رافضه؟
ام محمد:يا ولدي والله البنت تدخل القلب وحلوه بس الناس
محمد:انا ما كفرت عشا يتكلمون بالعكس يمه راح اخذ اجر فيها بنت يتيمه عمها راميها وقاسي عليها نجي معاه لنا اجر يمه مو انتي علمتيني كذا؟
ابتسمت دايم يغلبها عمرها ما تقدر ترفض له طلب:بس عمها؟
محمد:اللي اعرفه انه مو جايب خبرها
ام محمد وهي تستغفر:خلاص يمه دامك مقتنع ما اقدر اقول لك لا بس تذكر يا ولدي راح تاخذها مكسوره ما لها احد بعد الله وبتكون انت عونها وسندها اذا مو قد هالشي اتركها ربك ارحم
ابتسم وهو يبوسها: قدها يمه قدها تربيتك
ام محمد بتردد:مدري بس الله يعين انا مو راضيه بس ما وقفت بوجهك وانت جاهل اسويها اللحين
محمد:تعوذي من ابليس طلعي من راسك هالافكار واذا يتيمه اشرف الخلق وسيدنا يتيم!
ام محمد:عليه الصلاة والسلام على بركة الله سو اللي تبي
محمد:زين اسألي بنتك وش المطلوب؟ وش اسوي ابي الموضوع بسرعه
ام محمد:زين قامت وهي تنادي على بنتها اللي جالسه تلبس عشان دوامها وكلها حقد وقهر مدى تجي هنا اللي عمها رماها احنا وش جبرنا فيها
:نعم يمه طالعه الدوام
ام محمد:محمد يوصلك وكل اللي يبيه تسوينه له
علياء بصدمه:نننننننننننننننننننننعم يمه اقنعك بتخلفه بسواد وجهه
ام محمد بعصبيه:بس خلاص هو مو بزر وبعدين لا تنسن ان المجنون واسود الوجه هذا هو اللي رباك وكبرك من تعبه وشقاه
علياء بحزن:عشان كذا ابيه فوق ما ابي احد يقول عليه شي
ام محمد:خلاص يمه هو مو صغير سوي اللي يبي و لاتخليني انا اتصرف عنك وطلعت وتركتها وهي بداخلها تتعود بمدى
نزلت وركبت السياره بسرعه كان ساكت وهو يطالع لحركاتها اللي تدل على توترها طنش وبعد فتره:شلون يصير الزواج بالدار وش المطلوب
علياء بقهر:يجون اهلها واهلك و
محمد:جد انكت انا معاك والا اقولك مو مطلوب منك شي وقف عند الدار :انزلي وتوصي بعروستي ضحك
ومشى وهي بداخلها ما طلبت شي اتوصى هين مدى هين مشت بسرعه لمكتب الاداره توقع دخولها ومشت لمكتبها كانت ترمي اغراضها بقهر وبعصبيه
وحده من الموظفات:خير؟
علياء:بطلع اشوف شغلي
:ارتاحي القسم اللي انتي عليه برا يتسوقون ريحي
جلست زين تسوقي براحتك خذي راحتك بتردين و اوريك شغلك و انت يا محمد تحلم اخليها تدخل البيت وتعيش معاي
كانت طول الوقت سرحانه بعالم اخر و شلون تتصرف مع مدى ؟ اكيد ما راح تصدق تطلع من هنا و بتوافق بس انا راح اوقفها عند حدها
وهو اخلي جنانه ينفعه طلعت تمشي بالساحه الكبيره بقهر حقد بدأ يزور قلبها كيانها كل قناعتها تنتهي اللحين
كانت تقول عادي هم مثلنا لهم الحق بس توصل حقوقهم عندها لا لا مستحيل ترضى وحده عاشت هنا تعيش معاها تشاركها بكل شي
ظلت تنتظرها تبيها ترجع بسرعه تبي تنهي هالهم والقهر أمها وافقت يعني خلاص اوووووف
***
لكل من يدرك أن الحياه فانيهـ
عش كل لــ ح ـظه وكأنهآ آخر لــ ح ـظه في حياتك
عش بالإيمان ..
عش بالأمل ..
عش بالـ حب ..
عش بالـ ك ــفآح ..
وقدر قيمة الــ حيآه ..!
***
فجر صحت بعد نوم كانت تخنقه الكوابيس طالعت ع الساعه 7 اوووووووف نطت بسرعه عشان تتوضأ وتصلي وتلحق على دوامها اللي تأخرت عليه
خلصت صلاه ولبست طالعت بشكلها و أبتسمت كل اللي يشوفها يعطيها أصغر من عمرها دارت وتحرك معها شعرها اللي واصل لنهاية ظهرها
تحبه كذا زي مامتها كان شعرها طويل وتحب الشعر الطويل جلست تظفره وهي تردد الاذكار لبست عبايتها واخذت شنطتها وطلعت من الغرفه
وقفت وهي تسمع الباب ينفتح كان خالها توه جاي ظت تطالعه نادرا ما تشوفه صاحي دائم في حالة سكر شافته وهو يسحب اغراضه
واللي اكيد ما تخلو من دون الشراب بخوف تكلمت:الحمدالله على سلامتك خالو
رفع عيونه لها وظل يطالعها شاف فيها عذاري اخته وحبيبته بس عبس وجهها وهو يردد الخاينه عديمة الاخلاق بلا شرف وبعصبيه:وين رايحه؟الساعه 7 المغرب
فجر:دوامي نسيت اني اشتغل
قرب منها وهي رجعت بخوف لوراء سحبها لعنده وبتهديد:فجيييير لو عرفت او حسيت مجرد آحساس انك تلعبي من وراي تعيدي تاريخ وقذارة امك
والله اللي خلقك لا اوريك شي بحياتك عمرك ما شفتيه و لاتمنيتي تشوفيه
بعدت يده وببرود:اجل تأكد اني زي ماما و راح افتخر انو زيها
شد شعرها بقوه و بصراخ :لا تتطلعيني من طوري رفع وجهها لعنده :انكتمي اذا كلمتك انكتمي لا تردين علي رماها بقوه لعند الباب :يلا اذلفي برااا
سحبت اغراضها اللي تناثرت وحاولت تخفي دموعها تلثمت وطلعت من عنده الدموع اللي كابرت عليها من ثواني بس نزلت قهر هذي امها الطاهره
اللي ان ظلمت الكل دنسها ظلمها والسبب عمها الفلوس الاملاك حسبي عليك وين ما رحت حسبي عليك مشت بسرعه لعند فاطمه وقفت عند باب بيتها
وهي تاخذ نفس تحاول تبعد هالضيقه عنها دفت الباب ودخلت وهي تسمع اصوات الحريم و الاطفال ابتسمت لفاطمه واشرت لغرفه انها بتدخلها دخلت ورمت اغراضها
وجلست على الارض هنا تحس براحه فضيعه هذا بيتها فعلا هنا كبرت تعلمت هنا كان فيه اللي يحميها ابتسمت وهي تسمع ضحكها وبداخلها تدعي لها بالسعاده
وقفت عند الشباك وظلت تطالعها وهي تضحك تنصح وتدعي هالحوش الكبير ياما ضم ضحكها بعد دموعها ياما ركضت لعبت هنا زرعت ورود لحد اللحين تسقيها هنا
اللي علمتها الصبر كانت لها ام وحضن ياما حمتها من ظلم خالها وزوجته حاولت تغير ملامح الكابه يوم شافتها داخله للغرفه عندها
:حيا الله بنتي زين جيتي يمه
فجر وهي تبوس يدها:اكيد اجي و شلونك يالغاليه
فاطمه:بخير يمه جلسي بقربي هنا ابيك بشغله
فجر:أمري
فاطمه:قبل جاء خالك شفتيه
فجر:ايه قابلته انتي وش دراك
فاطمه:زي العاده يمر يسم قلبي بكم كلمه الله يهديه
فجر بخجل:مدري وش اقول
فاطمه: و لاشي يمه غريبه عنه من قبل ما تنولدي اعرف زينه وشينه ما عليك منه تعرفين ام علي
فجر:ايه وش فيها؟
فاطمه:طالبتك لولدها
فجر ظلت تطالع بصدمه بس صحاها ضحك فاطمه: يا حليلك يا فجر وش فيك؟
فجر:ها لا ولاشي بس انا ماابي
فاطمه:يا بنتي الى متى وانتي ترفضين عاجبتك هالعيشه والله يا بنتي كل يوم يدي على قلبي من اشوف هالسكارى عندكم اخاف عليك
والا نومتك برا البيت انتي حلوه يمه و الشيطان يفتن ومو كل الناس تخاف من الله توكلي على الله وروحي ولد حلال و خايف ربه يصلي ويصوم الكل يذكره بالخير
فجر وهي تتنهد:لسى بدري لسى في اشياء واجد ما بديتها بحياتي لسى ابي اختي ابي اثبت انا ماما مظلومه ابي حقي يرجع لسى ولسى
فاطمه:مو لوحدك يمه لازم لك سند يمه
فجر:يكفي خالي اللي كان مفروض يكون سند
بالنازله والطالعه يحكي ويسب ما ابي اجيب لي هم على قلبي وعلي مهما سكت بيجي يوم وينطق زيه زي هالناس وش يجبره يتحملني و لا تخافي لي رب يحميني
فاطمه:انتي حره يمه بس والله اخاف عليك
فجر وهي تبتسم وترمي نفسها بحضن فاطمه: لاتخافي و ممكن تضميني حيل ترى انتي مقصره معاي مو ملاحظه
فاطمه:هههههههههههه طيب
***
كـل من سـألني :
..... وين مسكنك بـ الضبط ؟..
اضحك وأرد ..‘
.............. [ كنت بـ يسـآآر صـدره ]
.... بس الحين !
........ [ مدري آناا وين ؟! ] : (
***
عند اروى اللي نازله الدرج بكل برود وهي تغني
خالد وهو يطالعها متى تنزل مقهور فوق النص ساعه منتظرها تجهز عشان تروح العزيمه ببيت عمه وسعود أحرق جواله وهو يدق
خالد:وبعدين؟
اروى :يووووووووو نسيت شيخوه تبي كتاب مني بطلع اجيبه سحبها ودفها لعند الباب:قدامي سواقك انا انتظرك فوق النص ساعه تنزلين وبالاخير نسيت
اروى:انت وش فيك؟ والا عشان ابوي مو فيه تتحكم فيني
خالد بكل برود يسحبها لبرا البيت وهي تسب وتتحطم ركبت السياره وبقهر:زين بقول حق ابوي
خالد:يا ماما خفت بس اشتري سكوتك انا اللحين حسك ما ابي اسمعه مشى بسرعه وهو مطنش تهديداتها ودلعها وقف لعند بيت عمه
وكان سعود ينتظر برآ خاف ما تجي ما صدق شافها نازله من السياره بس عبس من شاف عبايتها المطرزه وشلون راميه الطرحه ريحة العطر
صوت الكعب لف ومشى عشان تدخل بس حس بضيقه من شكلها اللي يلفت غصب عن الواحد طالع بخالد اللي واضح انه معصب:خير يا بو الشباب
خالد:أي خير لو ما اخاف الذنب كان جبت لها اعاقه وهو يقلدها يوو انت مالك شغل فيني سوق شوي شوي والله اقول حق ابوي مالت
سعود:هههههههههههههههههه ادخل الشياب ينتظرونا
***
brb
|