تعــال ياضيف المحبــه اقهــويــك
في جو خالي من عيون الملاقيف
دلة غلآ تروي شعـورك وتـرويـك
بهارها راقي ع الــذوق والكيــف

‏بعض الوجيه جميله نفس واطباع
مايشبه احساسها الا جمال الطبيعه
وبعض الووجيه جماالها بس بقناع
لو تكشفه تشوف لك شوفه فضيعه

ماودك تسولف اذا صرت زعلان
لـ جـل تـركـز زيــن بالـي تـقـوله
يمكن تجيب العيد وتصير ندمان
وتصير ضحكه عند ناس مغلـوله

عيش الحياه وعيشها كيف ماجات
تكسب رضـا نفـسـك ويرتاح بـالك
لاصـار ماهـي دايـمـه لك سهالات
اخـسـر ولا تخسـر رفيـقٍ صفـالك