أيام راحت بي وراحـت علـى خيـر
مرت على عمـري مـرورالثوانـيْ




أيام كانت غير .. وربـــــــــــي غيـر
أحيت يباس عروق ذيـك المحآنـي ْ

قبل الوداع ., قبـل طـوي المشاويـر
ماكنت أحـس بقيمتـه لـو جفانـي ْ

ويوم افترقنا .. والحزن جانـي أمغير
عرفت وش معنـى ضيـاع الأمانـي ْ

ماعاد لك ياحـزن.. حشمـة وتقديـر
من يوم جيت وجبت لي جرح ثانـي ْ

وماعاد بيـدي شـي.. دام المقاديـر
وفـت وعدها..وسلبتنـي زمـانـي ْ

سيلـت بفراقـه دمـوع المعـاذيـر
حتى خشـع مـوج الغـلآللموانـي ْ

ومديـت للقيـا كفـوف التباشـيـر
ومدت لي الفرقـا كفـوف التهانـي ْ



ودي أفضفض بس ويـن التعابيـر؟!
ودي أعبـر بـس ويـن المعانـي؟! ْ

حاولت أبـرر صمتـي بـأي تبريـر
وعجزت أبرر صمتي اللـي غشانـي ْ

ياصمتي اللـي مالقـا لـه تفاسيـر
ليـت الـذي وداه.. يمـه خـذانـي ْ

ياحيلة الله وش بقا ؟! وش يبي يصير؟!
دام المكـان اليـوم ماهـو مكانـي ْ



الغيت من بعـده جميـع المحاذيـر
وأرخصت عمري دام هالعمـر فانـي ْ

بعده.. تراها تهون كـل المخاسيـر
يعني وش أكبر من خساره كيانـي؟!

لو قلـت مال لبعـده الـيـوم ...تأثـيـر
تفضحني عيوني.. ويكـذب لسانـي ْ

لكن تركت له هالقصيدة علـى خيـر

يمكـن يحـس بضيقتـي .. لاقرانـي

راقت لي

ربي يحفظك لي ياأمي ولايحرمني اياك