من يشتري قلب ٍ حنون وحساس قلب ٍ يحسه ماطراله على البال زودن على حزنه يحزن مع الناس ولاله جدى غير التماني والآمال ويبيعني قلب ٍ مثل قلب جساس قلب ٍ قطوع وفيه للحقد منزال وتبدل اوضاع المحبة وتنحاس ويمكن على ماقيل تتبدل احوال الوقت مايرحم ويكتم للانفاس والحظ مقفي غصب واسود من الشال اضحك واسولف والحزن شيب الراس وعزي لمن همه على القلب يجتال يالله ياللي خالقن كل الاجناس يافارج الكربه مطول بالاجال انك تزيل الحزن مع كل وسواس وتتبدل الاحوال من حال لاحال