نقلت لكم قصيــــدة روووووووعة قليلة فيها ..

قال من خله توفى واندفن

قبل يجمعهم نصيبٍ بالحياة

أسألك الله بكل اسمٍ حسن

يا كريم اسئلك فعل الصفات

وارجي انك مع حبيبي تجمعن

وسط جنة عدن من بعد النجاة

راح في عزة شبابه واتركن

فرقتنا قدرة الله يوم مات

شافت عيوني حبيبي بالكفن

شايلينه بالنعش لاجل الصلاة

ابعدوا به عني ورجليني عصن

ماقون المشي وصارن واقفات

حاولن المشي لكن ماقون

طاح جسمي يوم صارٍ عاجزات

صارت عيوني جهتهم ينظرن

ليت رجليني معاهم ماشيات

صحت بأعلى صوت يامن يسعفن

من يسوي خير يجزى بحسنات

ما مع المقفيين أحد يرحمن

قاسيات قلوبهم مثل الحصاة

مآبهم من رق لي حين اسمعن

لا ولا منهم تكرم بالتفات

صرت أنا ازحف فوق صدري والبطن

واختلط دم دموع سايلات

دم جسمي من عروقه ينزفن

من كثر زحفي على ارضٍ فلاة

مع دموع من عيوني يذرفن

من كثر نوحي على حسن الصفات

اشتكي هم وغرابيل وحزن

داعيٍ ربي مجيب الدعيات

اسئلك ياذا الجلال تحملن

العز والصبر فيها والثبات

خايف أوصل قبرها بعد الدفن

لكن الله وصلن قبل الفوات

كن خلي يوم شفته ودعن

قبل دفنه وسط قبره بلحظات

مامع اللي حاظرٍ دفنه فطن

حين ماعزو أهلها بالوفاة

موقفي صعب وفؤادي به مكن

حسرة ظلت جروحه ساطيات

صرت أنا من غير ما اشعر بس اون

وأتقلب من جروحٍ خافيات

فوق قبرٍ فيه محبوبي سكن

علىّ أركانه من السايسااات

قربوا أهله وقالو أنت من

كيف في نفسك تسوي هالسواات

ضاق صدري زود وعيوني بكن

قلت أنا اللي فيه عزوني عزاة

اسئلو قلبٍ لها دايم يحن

حبها نابت على أرضه نبات

واسئلو عينٍ بكتها في شجن

جرحت خدي دموعٍ حاميات

قالوا أنت اللي على لسانه لحن

قبل تتوفى عطتنا لك وصاااة

قالت أوصيكم بمن حبه فتن

قلبي وروحي لحبه شاهدات

رددت اسمك وهي بين المحن

قالت انه هو اعز الأمنيات

كل شي قبل موتي ذكرن

بأسعد اللحظات وأحلى الذكريات

مع حبيب الروح لكن الزمن

اصدر أحكام علينا جايرات

بالقدر نرضى وربي قال كن

وكانت الفرقا وماله مانعات

والقظى لو قاسي أحكامه يجن

بدنا نرضى ولا نجزع بتات

وآخر اللي قالته لا يقطعن

من زيارة مع سلامٍ كافيات

قلت أنا متأكدٍ ماني أظن

لا سألت الله بحسن الخاتمات

يستجيب لدعوتي فيه استعن

ما استعين بغير ربي هيهااات

ربي ارحمها كريمٍ ما يمن

يعطي براية بدون مشاورات

يجعله تسكن بجنات علن

جنة الفردوس أعلى العاليااااات

والختم صلوا عدد ما يظهرن

من نجوم وعدّ ما بالكاينات

وعدّ وردٍ فوق الأغصان اثمرن

للنبي الله سلام وصلواااااات