من يشتري مني قصائد حزينه
==== ويبيع لي شعر بلا هم واحزان
مليت من شعري وقلبي وأنينه
==== ودي أعيش العمر وأكون فرحان
ودي أعوض مر عمري وسنينه
=== وأنسى زمان ليته اليوم ماكان
أريد أنسى كل ذكرى دفينه
===== خلاص يكفي ومن لظى الشوق تعبان
أيام ماتسوى ودنيا لعينه
===== ياما سهرت اذرف من الويل نيران
يامابكيت بحسوفتي والغبينه
==== ياما شكيت ويعلم الله سيحان
عجزت ألاقي في هواي السكينه
=== عجزت ألاقي لبسمتي اي عنوان
تايه انا في بحر مثل السفينه
==== تايه ولا عندي دليل وبرهان
اكتب قصايد والمشاعر سجينه
=== في حزنها وتعزف مواويل والحان
واجر ونات ونفسي رهينه
===== ودمعة الم تحوي مجاميع للالوان
الله يجازي اللي سحرني بعينه
=== واخر تركني في شقا الهم غرقان
عشرة عمر ياناس بيني وبينه
=== سجلتها ذكرى في ستين ديوان
من يشتري مني قصايد حزينه
==== ويبيع لي شعر بلا هم واحزان