في وجنتك نور القمر ، وفي سلهمت عينك مقيل
وفي حكاك من ثغرك خمر ، حتى لوان حكيك قليل
احلى والذ ،، امن التمر ، والطف من النسناس حيل
تزود من .. عمري عمر ، يالله عسى عمرك طويل
لاحاء قصيدي طرب ؟ نايح القمري
لبى العرب ياعرب ؟ يابعد عمري
الين حرفه ضرب ! ماهوب في امري
ارب يزهاه ارب . لابس الخمري
في شوفتك طاب السمر ، سوالف ونسناس ليل
فيني سعاده تنغمر ‘ وان غبت ويل الصدر ويل
بآمر ولا عليك امر ، لاتغيب مادامك خيل
اخاف حالي يندمر ، ولا معي حيله وحيل
لومي على لايمي ، لاتلوموني
زينك ماهو فادمي ، شوفت اعيوني
لاعاد عني تغيب ، وماني ابغايب
لاصرت منت ابقريب ، ماني بطايب

اتقول في صدري جمر ، ودمعي سبق برق المخيل
يا شين دمعي لا انهمر ، ما اداني ادموعي تسيل
وادهى من الدمعه وامر ، واقوى من افراق الخليل
على المفارق مايمر ، سوات حزنه مستحيل
الى ذكر ما مضى ، بينه وبينه
يضيق فيه الفضى ، وصاحبه وينه
بالحزن عمره قضى ، باقي سنينه
ينهش ضميره لضى ، عزي لعينه