أنت الغـلا كـل الغـلا لـك وهبتـــــه
وأنت الأنيس بوحدتي كيف ما أغليك

وأنت اللذي ياعسعس الليـل جبتـــه
أشكيلك أوجاع الزمـن هـم وابكيـــك

وأنت اللذي لإحساس فكـري سلبتــه
وشلون تسأل عن وجودك وأنا أشكيـك

ياما على الذكـرى دموعـي سكبتـــه
يامن طرتلي ضحكتك يـوم احاكيــك

هايم مع الطـاري وطيفـك نصبتـه
قدام عينـي واتبعـك فـي مساريـك


وياما سـرى بالليـل حي(ن)نهبتـه
ياسجًـت أفكـاره لروضـة مفاليـك

عنـي بعيـد وبالمحـانـي جلبـتـه
لو غبت جرح القلب يصرخ يناديـك

كاس الهوى بأروع مذاق(ن)شربتـه
وكاس الوفاء منـي هديـه لطاريـك

لولا ألغـلا شـف للشعـر ماكتبتـه
يبوح لك احسـاس قلبـي ويهديـك

هذي خفايـا مـن شعـوره نهبتـه
وهذا الجواب اللي مع الوقت يرضيك

مشكوره قلبي ضوى الليل على تصميم مميز ربي يسعدك يارب