07-26-2019
|
|
|
احسه اقرب من دموعي لعيني
ودي اسولف والحكي يشتكيني
لني بقصر في حروفي والابيات
لني بسولف عن وفا يحتويني
عن واحد(ن) بالقلب والعين والذات
لنه الوحيد اللي بصدق(ن)يبيني
لاماتركني بعد ماكل شي مات
معنى الصداقه يبقى بينه وبيني
اكبر وارقى من حروف العبارات
كل شي فيني حتى حرقة حنيني
حالف يقاسمني مع دموع لاهات
يمشي معي بدروب عمري وسنيني
لاغاب / لافارق/ ولا راح لحظات
احسه اقرب من دموعي لعيني
يزيدني قربن اذا قلت له هات
مدري عرفتوا هاللي صافح يميني؟
ذاك الذي من بين ضلعينه ابات
(الضيـــق)ياعالم رفيقي وسجيني
الضيق ايه الضيق فيني ولامات
مدري بدون الضيق وشهي سنيني
اعرف بليا الضيق بالحيل اشتات
|