في غيبتك جفني يحرم رقاده
صحيح أحب الناس لكنك أزود
غصبٍ علي إنته فرضت الزياده
أجاويد في الدنيا لكنك أجود
وانت الوحيد اللي ملكت القياده
لا غبت عني ينقلب يومي أسود
وليلي ظليم وزايدٍ في سواده
ولا أقبلت فرحي عقب ما راح عوّد
ولولا حيا ربي عبدتك عباده
ما لذ لي زادٍ ولا طاب مرقد
في غيبتك جفني يحرّم رقاده
إنت الأمل يا زين يا باهي الخد
منك القلم محتار يكتب مداده
هذا شعوري وانت ملزوم بالرد
ياللي تحلّي منحرك بالقلاده
لا تخلف الموعد لقانا بعد غد
وفاك بالميعاد يعني السعاده
|