مسيكم بالخير
/
:
:
:
البارحه مرو علـى القلـب زوار
ومالضيوف الا الكرم في مكانـي
/
البارحه ثـارت تباريـح وافكـار
وكتبت لجل اليوم ساعة دعانـي
**
ألغيت من دونك مسافات واسـوار
بين السهر واليأس واحلى الاماني
**
وشبيت من جذوة حنيني لك اشعار
واللي ذكرته ماعلي لـو تنسانـي
**
ياما اخذ صمته بالافـواه مشـوار
وانا ادري انه في النهايـه أنانـي
**
أحباب قلبي من الزمن حيـل دوار
ياما مشى عكس الفرح والتهانـي
**
وقفت مثل اللي وقف حيل محتـار
والله مدري وقتهـا وش حدانـي
**
يبقى بقلبي لك تواصـل واصـرار
ويبقى كلام(ن) دارج(ن) في لساني
//
خالد محمد الودعاني ( الدكتور )..