عيني على ساعتي والعين الاخرى عليك
وما بين هذي وهذي .. غيبتك ظالمه

انا مجرد جسد ما دام لي روح .. فيك
متاك بترد روحي .. عادها سالمه

عاهدتني فالبدايه .. والعهد في يديك
وعيشت قلبي بعالم ماهو بعالمه

اصحى على الشوق وامسي به وانا محتريك
في كل يوم عليك اشواقي الحالمه

ليتك تحاول مثل ما احاول اني اجيك
ولا ارسل حروفك اللي بالغلا والمه

رسالة .. شحالك افتقدك ووينك وابيك!
دواء جروح المحب اللي الجفا يالمه

مشكلتي ازعل والى كلمتني ضعت فيك!
واعود ارضى عليك بتالي مكالمه.