الا ياغايب عني زمان
ذبحني الشوق وضناني الحنين
تعلقني وتعطيني الامان
وتهدم مابنينا من سنين
الا ياليت للعاشق ضمان
قبل يسلك طريق العاشقين
غدت عشري بعد هجره ثمان
وانا كنت احسبن عزمي متين


متاهات وتناهيت وحنان
وصدر مايعرف الا الانين
الم وفراق واعزوفة كمان
وليل مايحن الساهرين
وذكرى بين كنت وبين كان
وبين الحين وين وقبل وين
على ابو خد لون الزعفران
ابو شامه وابو غمازتين
وثغر كنه لول وكهرمان
ولون التوت لون الشفتين

خذا مالريم خفه واتزان
وخذا مالحر الاشقر وسع عين
يلد الشوف لاقالو فلان
واعاودها واناظر مرتين
بلاني بالمحبه من زمان
عسى ربي يعين الصابرين