السلام عليكم ورحمة وبركاته بعدما حصل لي موقف وكثرة فيه البلبه جتني فكرة هالقصيده وماخذت مني وقت أنا بنصحك أنا بنصحك خاو الطيبين وسيب البطال ترى البطال كل اصحابه اللي معه بطاله يروح الوقت يالعاقل مع البطال قيل وقال قليل أفعال لا يخدعك مهما كان في أقواله ولا تشكي عليه اللي جرى لك في الزمن من حال يزيد الهم فوق الهم تغدي حالتك حاله ليا جات المواقف صار جامد كنه التمثال عسى الله لا يعيدك يالردي لو زان تمثاله ولا يجعل لي في الدنيا نصيب في صحبة الأنذال أنا نفسي عن الأنذال يا أهل الفكر مياله أبي رجال يوم إني نصيته يوفي المكيال ولد يضرب على صدره صحيح ويوفي القاله يقدمني على نفسه ليا جا في الزمان اشكال علي شان الخوي يرمي شماغ الراس وعقاله يفرج كربتى بالكلمه الزينه ودفع المال أنا أشوف الخوي اللي يفضلني على ماله يباني دايم الفرحة ولا يرضى علي اذلال هذا شبري بشبره دوم وريالي مع ارياله كما نجم الجدي معروف وأعلى منه في المنزال ولا توصل نجوم الكون عندي مثل منزاله ولا يا أهل العقول إليا صحبتم صاحبوا رجال كما الممدوح وإلا أكثر من الممدوح في افعاله هذا قولي وأظن العلم ما يصعب على العقال جزى أهل الخير خير الله يجازي العبد بعماله كلمات عودالليل محمد الحريري اتمنى انها نالت الاستحسان الحقوق محفوظه لدى منتديات قصايدليل تم التحرير بتاريخ 26/6/2010

مهم جدآ
قرار بخصوص احتساب المشاركات وتوضيح مفصل
بالاضافة لشروط استخدام الخاص وصندوق المحادثات

تفضلوا بالدخول

طريقة احتساب المشاركات وكيف تحصل على مشاركات اضافيه بنجاح - منتديات قصايد ليل

قوانين استخدام الشات والرسائل الخاصة - منتديات قصايد ليل