شـــــاشــة أحـــــــــــزانـــــي


على الذكرى خذاني الشوق وسافر بــي لأعز إنســــــــــان
شريط يــعرضه فكري على شـــــاشة من أحزاني
عرض لي صورة الماضي وكن اللي جرى ما كان
على حب طواه اليأس و الماضي و حرماني
رجع فكري ثمان سنين لا زوداً و لا نقصان
على ذاك الحبيب اللي جزى حبي بنكراني
على اللي بالهوى كانت وكانت تملك الوجدان
وكانت بس لا زالت هواي وقرة أعياني
خذت عقلي خذت فكري خذتني عاشق ولهان
بكف وردف وعيون هدبها هز وجداني
ذكرت الملتقى الأول ذكرت الصاحب الفاتن
حبيب كم وكم لأجله سهرت الليل وحداني
غلاها يكبر بقلبي وقلبي بالهوى غرقان
تمكن حـــبــــهـــا قلبي وزاحم دم شرياني
ولكن دورة الدنيا أشد وأقسى من الطوفان
تدور أيامها وندور وتكشف وجهها الثاني
أنا مــــدري ومن يدري من اللي فرق الخـــلان
وش اللي غير أطباعه وش اللي جاه يجفاني
قست مدري نست حبي أو إنه لقني النسيان
حقيقة واقعة عــــــــــالـم بها ضيعت عنواني
رمتني بالهـــوى وراحت وشبت بالحشا نيران
رمتني تايـــه حايـــر من المظلوم و الجاني
يا ليت الشعر لو أكتب يذكرها بـــ((.............))
يمين الـــلـــه لأسطر بنور الشمس ديواني
وأزخرف من سنا الغيمه ورق وإسم الغضي عنوان
ومن قوس القزح حبراً أزخرف فيه الألواني
وأوصي الطير لا غرد يغرد بأجمل الألحان
على شباك غرفتها عــسـى تذكر وتنصاني
غريبه كيف ينسى الورد شذى عطره على الأغصان
غريبه والغريب إنه نساني أو تـنـاســاني
بكيت وصورة الماضــــــــــي يصورها لي الحرمان
بعد مـــــا دارت الدنيا وشــالـت نصفي الثاني



((من اصعب المواقف اللي يمر فيهاا الانســـان **الذكــــرى**